Afrikacha Mortal Kombat shov-shuvga sabab bo‘ldi

Tarmoq foydalanuvchilari Mortal Kombat filmining afrikacha nusxasi treylerini katta qiziqish bilan qabul qilishdi. Facebook’da chop etilgan rolik ikki kun davomida 100 ming marotaba tomosha qilindi hamda uch mingdan ortiq izohga sabab bo‘ldi.

Foydalanuvchilar izohlarda suratga olishdagi mahorat va tasvirchi ishini, shuningdek juda g‘aroyib maxsus effektlarni alohida qayd etib o‘tishgan. Biroq, ba'zilarning taxminicha, film yaratuvchilarida mualliflik huquqi bilan bog‘liq muammolar yuzaga kelishi mumkin.

Film Kumawood kinostudiyasi tomonidan suratga olingan bo‘lib, barcha aktyorlar mahalliy chvi shevasida gapirishgan. Remeyk syujyeti Hollivudda yaratilgan va 1995 yilda ekranlarga chiqqan kartinadan to‘laligacha ko‘chirib olindi.