«Real» klublar o‘rtasidagi jahon chempionati finaliga chiqdi

Bugun Yaponiyada klublar o‘rtasidagi jahon chempionatining ikkinchi yarim finali «Real» va Meksikaning «Amerika» jamoalari o‘rtasida bo‘lib o‘tdi.

Har ikki bo‘lim oxirida Benzema va Ronaldu tomonidan urilgan bittadan gol Zidan shogirdlariga g‘alaba taqdim etdi.

Endi madridliklar jamoasi 18 dekabr kuni Yaponiyaning «Kashima Antlers» jamoasiga qarshi final uchrashuvi o‘tkazadi.

Amerika – Real Madrid
Gollar: 0:1 – 45 Benzema, 0:2 – 90 Ronaldu.
Amerika – Munos, Golts, Valdes, Samudio, Alvarado (Gerrero, 54), Villiam, Sambuesa, Ibarra (Kintero, 62), Pablo Agilyar, Peralta, Romero (Arroyo, 70).
Real Madrid –    Navas, Varan, Marselo, Karvaxal, Nacho, Kroos (Xames, 72), Kazemiro, Modrich, Vaskes, Ronaldu, Benzema (Morata, 80).
Ogohlantirishlar: Sambuesa (21), Nacho (90).