Xitoyda mashhur Terrakota armiyasi va Eyfel minorasi shokoladdan yaratildi

Xitoyning Chanchun (Girin viloyati) shahrida fransiyalik rassom Nikolay Popov tomonidan tayyorlangan 700 ta shokoladli haykal namoyish etildi. Bu haqda UPI agentligi xabar bermoqda.

Ko‘rgazmada shokoladli Buddalar, sherlar va hattoki mashhur Terrakota armiyasining kichiklashtirilgan nusxasini ko‘rish mumkin. Bundan tashqari, eksponatlar orasida – Eyfel minorasi maketi, shuningdek choynaklar, musiqa asboblari, sumkalar va shokoladdan tayyorlangan oyoq kiyimlarini ham uchratish mumkin.

Rassom bunday g‘aroyib ishlarni yaratish uchun 1500 kilogrammdan ortiq shokoladdan foydalandi.