Turkiya ShHTga a'zo bo‘lish uchun rasman murojaat qilmagan

Turkiya Shanxay hamkorlik tashkiloti (ShHT)ga a'zo bo‘lish uchun ariza topshirmagan. Bu haqida Qozog‘iston tashqi ishlar vaziri Yerlan Idrisovning ma'lumotiga aslsanib, RIA "Novosti" xabar berdi. 

"Turkiyaning ShHTga a'zo bo‘lishiga kelsak, bu, birinchidan, Turkiyaning qaroridir. Hozircha Turkiyadan bu borada rasmiy ariza kelib tushgani yo‘q. Tashkilotga a'zo bo‘lish uchun u yoki bu mamlakatni qabul qilish ShHTning barcha a'zolari vakolati hisoblanadi. Bu masalada konsensus tashkillashtirish kerak. OAVdagi xabarlarni hamma eshitgan, biroq bu hali rasmiy murojaat hisoblanmaydi.  Ehtimol, bu shunchaki fikrlarning bayon etilishidir. Bu, albatta,  e'tiborni jalb qilmay qolmaydi", - dedi Idrisov seshanba kungi brifingda. 

U "fikrni bayon qilishdan to rasmiy a'zolikka qabul qilinguncha - katta masofa" borligini ta'kidladi.