Sevenhugs kompaniyasi CES 2017 ko‘rgazmasiga Smart Remote pultini taqdim etdi. U 25 mingta turli qurilmalarni boshqarishi mumkin. Bundan tashqari, u Uber taksilari bilan aloqa o‘rnatishga xizmat qiluvchi ilovalar, infraqizil port va ichiga o‘rnatilgan maxsus datchiklar bilan jihozlangan.
Pult 3.53 dyuymli sensorli displey, simsiz WiFi va Bluetooth modullariga ega. Ular uydagi uskunalar (televizor va boshqalar)ni boshqarishda qo‘l keladi. Shuningdek, Sevenhugs Smart Remote imkoniyatlarini kengaytiruvchi maxsus sensorlarni uyning turli qismlarida har xil vazifalarni bajarishi uchun o‘rnatish mumkin. Masalan, datchikni deraza ortida o‘rnatilsa, u tashqi termometr va havo namligini o‘lchovchi uskuna bo‘lib ishlashi mumkin. Uni kirish eshigi oldiga qo‘yib, Uber ilovasi bilan bog‘lasa, o‘z uyiga taksi chaqirish imkoni ham mavjud. Bir necha gadjyetlarni bir vaqtda ishlatish, shuningdek o‘zingizga xos bo‘lgan harakatlar to‘plamini yaratishingiz mumkin.
Ayni damda smart-pultni 229 AQSh dollariga buyurtma qilish imkoni mavjud. Biroq, u do‘konlarga chiqarilgach, 300 AQSh dollariga baholanishi kutilmoqda. Qo‘shimcha sensorlar alohida sotiladi.
