Hindistonda yuz bergan poyezd halokati oqibatida qurbon bo‘lganlar soni 36 kishiga yetdi

Hindiston sharqida yo‘lovchi poyezdining izidan chiqib ketishi oqibatida halok bo‘lganlar soni 36 nafarga yetdi, deb xabar qilmoqda Hindustan Times gazetasi.

Avvalroq, 32 kishining qurbon bo‘lgani va 50 kishining jarohatlangani ma'lum qilingan edi. 

"Qutqaruv amaliyoti deyarli yakunlandi. Bizning birinchi galdagi vazifamiz, yaralanganlar haqida qayg‘urish va ularning shifoxonada davolanishlarini ta'minlash. Shuningdek, barcha vagonlarda odamlar qolmaganiga ishonch hosil qilish", — degan temir yo‘l xizmati vakili.