«Barselona» Messiga taklif qilgan yangi shartnoma summasi ma'lum bo‘ldi

«Barselona» hujumchi Lionel Messiga taklif qilgan yangi shartnomada qancha miqdorda maosh qayd qilingani ma'lum bo‘ldi.

OK Diario nashri bergan xabarda aytilishicha, yangi shartnomaga ko‘ra, Messi yiliga 40 million yevro ishlab topadi. Bu barcha soliqlarni olib tashlanganda to‘lanadigan summa hisoblanadi.

Oldinroq, matbuotda argentinalik futbolchiga 2022 yilga qadar mo‘ljallangan shartnoma taklif qilinayotgani haqida xabar qilingandi.

Messining «Barselona» bilan amaldagi shartnomasi 2018 yilning yoziga qadar mo‘ljallangan.