Putin Alisher Usmonovni mukofotladi

Rossiya prezidenti Vladimir Putin metsenat (ko‘p hadyalar beruvchi kishi) Alisher Usmonov va "Gruppa kompaniy "Renova" direktorlar kengashi raisi Viktor Vekselbergning samarali xizmatlarini taqdirladi. Putin ularga "Za blagodeyaniye" (Xayrli ishlari uchun) ko‘krak nishonlarini topshirdi. Bu haqda Rossiya davlat rahbari matbuot kotibi Dmitriy Peskov ma'lum qilgan.

Huquqiy ma'lumotlar rasmiy portaliga ko‘ra, Usmonov, Vekselberg va boshqa qator tadbirkorlarni "Za blagodeyaniye" ko‘krak nishoni bilan taqdirlash to‘g‘risidagi farmonni 2016 yil iyun oyida imzolagan. Ular "xayriya sohasiga qo‘shgan katta hissalari va serqirra ijtimoiy faoliyati uchun" taqdirlanishgan.