Turkiya hukumati farmoni bilan mamlakatda o‘tgan yil iyulida davlat to‘ntaruviga urinish bilan bog‘liq holda yana 4464 nafar davlat xizmatchisi o‘z ishidan bo‘shatildi. Bu haqda Resmi Gazete nashrida ma'lum qilindi.
Ta'kidlanishicha, bo‘shatilgan davlat xizmatchilaridan yarmidan ko‘pi milliy ta'lim vazirligida ishlaganlar.
Turkiyada to‘ntaruvga urinishdan keyin umumiy hisobda 125 ming kishi o‘z ishidan bo‘shatilgan yoki hibsga olingan. Rasman 40 mingga yaqin harbiy va politsiyachi hibsga olingan.
