Stokholmning ko‘plab muhojirlar yashaydigan Rinkebyu mikrotumanida 20 fevral kechki vaqt noma'lum kimsalar mahalliy do‘konlarni tunash va mashinalarga o‘t qo‘yish bilan tartibsizliklar uyushtirdilar.
"Tartibsizliklar soat 22.20 da boshlandi, tumanda tungi vaqt 7-8 avtomobil yoqib yuborilgan. Politsiya tartib va xavfsizlikni tiklash ustida ishlamoqda. Afsuski, tumanda do‘konlarni tunash holatlari yuz bergan. O‘g‘irliklar ko‘lami hozircha o‘rnatilmagan", deb aytildi shahar politsiyasi bayonotida.
Xabarda ma'lum qilinishicha, tartibsizliklardan avvalroq mikrotumanga politsiya xodimlari tashrif buyurib, qidiruvda bo‘lgan odamlardan birini qo‘lga olish vaqtida, jinoyatchi ularga tosh uloqtira boshlagan.
"Shu sababli patrul ogohlantiruvchi o‘q uzishga majbur bo‘lgan. Uloqtirilgan toshlardan biri politsiyachilardan birining qo‘liga tekkan. Uning jarohati og‘irligi hozircha aniqlanmagan", deyiladi xabarda.
Shvetsiyaning SVT televideniyesi ma'lum qilishicha, tartibsizliklar ishtirokchilari hozircha aniqlanmagan.
"Tartibsizliklarda 40-50 odam ishtirok etgan. Ulardan ba'zilari qochib ketgan. Ularning aniq sonini aniqlash murakkab bo‘lyapti", deb aytdi politsiya vakili.
Politsiya yarim tundan keyin tumanda tartib o‘rnatilgani va ikki kishi do‘pposlash oqibatida jarohat olganini ma'lum qilgan. Ulardan biri do‘konlardan birining egasi bo‘lgan. Jabrlanganlarning ikkisi ham shifoxonaga o‘zlari mustaqil yetib olganlar.
