Bolakay otasi va'da qilgan 20 dollar deb buqaning ustiga sakrab chiqib oldi (video)

Jorjiyalik erkak o‘zining kichik yoshli o‘g‘liga yosh buqaning yelkasiga chiqib olsa, 20 dollar berishni va'da qildi, bolakay esa buni amalga oshirdi, deb yozmoqda Daily Mirror.

Bolakayning otasi tomonidan suratga olingan rolik YouTube’da taqdim etildi. Unda bolakay buqaga asta-sekin, sezdirmay yaqinlashib kelgani, so‘ngra unga chiqib olganini ko‘rish mumkin. Video muallifining tushuntirishicha, o‘g‘liga pul va'da qilgan.

Rolikda bu bolakayning singlisi bo‘lishi mumkin bo‘lgan qizchaning ovozini ham eshitish mumkin, u “bu xavfsiz emas”ligini ta'kidlagan. Ona ham qizining fikriga qo‘shildi, biroq hech kim bolakayni to‘xtatishga urinmadi.

U buqaning ustiga sakrayotganida hayvon cho‘chib, o‘rnidan turib ketgan. Shundan keyingina ota-ona o‘z o‘g‘liga yordamga oshiqib, tasvirga olish “jarayoni”ni to‘xtatishdi.

Bolakayning otasi Facebook’da o‘g‘li bilan hammasi joyida ekani va u va'da qilingan 20 dollarni olganini yozdi. "E'tiboringiz uchun, men aslida u buqaga sezdirmay borib, so‘ng uning ustiga sakrab chiqishiga ishonmagandim", - deya qo‘shimcha qilib o‘tgan “mehribon” ota.