«Real» Zidanni iste'foga chiqarishi mumkin

«Real» bosh murabbiyi Zinedin Zidan «Real»dagi kelajagiga ishonch bilan qaray olmayapti, deb yozadi Don Balon nashri.

Manbaga ko‘ra, agar «Real» mavsum davomida hech bo‘lmasa, birorta sovrinni ham qo‘lga kirita olmasa, fransiyalik mutaxassis Madridni tark etishi mumkin. Ayni paytda «Real» Ispaniya chempionatida va Chempionlar ligasida g‘oliblik uchun kurashni davom ettirmoqda.

Zidanning jamoa bilan amaldagi shartnomasi 2018 yilda o‘z nihoyasiga yetadi. Ammo madridliklar prezidenti Florentino Peres jamoa natijalariga qarab uni yozdayoq bekor qilishi mumkin.