Toshkent shahar M.Ulug‘bek tumanida noma'lum shaxs Mustaqillik shoh ko‘chasida bezorilik oqibatida mas'uliyati cheklangan jamiyat rahbari bo‘lgan 40 yoshli ayolni tepib, unga tan jarohat yetkazib voqea joyidan yashiringan. Bu haqda O‘zbekiston IIV matbuot xizmati xabar berdi.
Ichki ishlar organlari xodimlari tomonidan olib borilgan tezkor tadbirlar natijasida ushbu jinoyatni M.Ulug‘bek tumanida yashovchi 1993 yilda tug‘ilgan shaxs sodir etganligi aniqlanib, u qo‘lga olindi.
Mazkur holat yuzasidan jinoyat ishi qo‘zg‘atilgan. Hozirda tergov harakatlari olib borilmoqda.
