Ming ot kuchiga ega giperkar 2,2 mln yevroga baholandi

Germaniyaning mashhur avtomobilsozlik kompaniyasi tomonidan ishlab chiqilgan Mercedes-AMG Project One gibrid giperkari cheklangan miqdorda 275 nusxada ishlab chiqariladi. Uning eng arzon namunasi 2,275 million yevro turadi. Bu haqda Top Gear ko‘rsatuvi kompaniya rahbari Tobias Moyersga asoslangan holda xabar qilmoqda.

«Avtomobil Formula-1 texnologiyalari bilan to‘ldirilgan, — degan Moyers. — Bu 1,6-litrli, daqiqasiga 11 ming marta aylanadigan dvigateldir. Ushbu mashinaning old g‘ildiraklarini elektromotorlar harakatga keltiradi. Shu bilan birga, uning barcha elektr jihozlari Formula-1 dunyosiga tegishli. Turbinalar, starter va batareyalar dunyodagi eng qimmatlaridir».

Motoring nashrining Moyersga asoslangan holda aniqlik kiritishicha, ichki yonuv dvigatelining zaxirasi atigi 50 ming kilometrdir. Shundan so‘ng, motorni almashtirish yoki qayta ta'mirlash talab etiladi. Taxminlarga ko‘ra, dvigatel ming ot kuchiga ega bo‘ladi. 

Mercedes-AMG Project One rasmiy taqdimoti sentabr oyida Frankfurt motorshousida bo‘lib o‘tadi. Project One modelining 275 donasi ham 2016 yildayoq sotib bo‘lingan.