Yoshlarning davlat idoralari rahbarlari bilan ochiq muloqoti tashkil etiladi

O‘zbekiston Respublikasi Prezidentining 2017 yil 7 fevraldagi PF-4947-son Farmoni bilan tasdiqlangan “2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasiga muvofiq “Xalq bilan muloqot va inson manfaatlari yili”da amalga oshirishga oid davlat dasturi”ning 279-bandi ijrosini ta'minlash maqsadida, joriy yilning 31 mart kuni yoshlarning davlat hokimiyati organlari rahbarlari bilan ijtimoiy tarmoqlarda to‘g‘ridan-to‘g‘ri uzatiladigan ochiq muloqoti tashkil etiladi.

Dastlabki muloqot 2017 yilning 31 mart kuni soat 11:00 da Toshkent shahridagi “Zarafshon” saroyida o‘tkazilishi rejalashtirilgan. Ochiq muloqot mavzusi: “Yoshlarda tadbirkorlik ko‘nikmalarini shakllantirishga ko‘maklashish va ularni tadbirkorlik faoliyatiga jalb etishda yoshlarga oid davlat siyosatining ustuvor vazifalari”

Uchrashuvda O‘zbekiston Respublikasi Markaziy banki boshchiligida tijorat banklari, O‘zbekiston Respublikasi Davlat soliq qo‘mitasi, O‘zbekiston Savdo-sanoat palatasi, O‘zbekiston Respublikasining xususiylashtirish, monopoliyadan chiqarish va raqobatni rivojlantirish davlat qo‘mitasi ishtirok etadi.

Sizda davlat hokimiyati organlari rahbarlariga sohaga doir savol, taklif yoxud yechimini kutayotgan muammolaringiz bormi? 

Unda sizda quyidagi yo‘llar bilan ochiq muloqotda ishtirok etishingiz va faoliyatingizdagi muammolarga yechim topish imkoniyati mavjud: 

1. Telegram ijtimoiy tarmog‘i orqali murojaatlaringizni videolavha (video-selfi), ovozli yoki yozma ravishda +99895 170-90-23 raqamiga jo‘natishingiz; 

2. Facebook ijtimoiy tarmog‘idagi opendialog.uz sahifasi orqali to‘g‘ridan-to‘g‘ri ochiq muloqotga kirishishingiz;