Venesuela oliy sudi o‘ziga parlament vakolatlarini olish qarorini bekor qildi

Venesuela oliy sudi o‘ziga parlament vakolatlarini olish qarorini bekor qildi. Bu haqda Globovisión telekanali saytida chop etilgan qarorga berilgan tushuntirishda aytilgan.

Oliy sud shuningdek deputatlarni parlament daxlsizligidan mahrum qilishni ham rad etdi. Bundan tashqari, "5.1.1 band" bekor qilindi. Bu band mamlakat prezidentiga mamlakatdagi konstitutsiyaviy tuzumni saqlab qolish uchun "fuqarolik, iqtisodiy, harbiy, jinoiy, ma'muriy, siyosiy, huquqiy va ijtimoiy sohalarda choralar ko‘rishga" ijozat bergan.