“O‘zbekneftgaz” AJ sobiq raisi Bahodir Siddiqov va boshqalarga nisbatan jinoyat ishi sudga oshirildi.
Oliy sud matbuot xizmatining Kun.uz so‘roviga javoban ma’lum qilishicha, mazkur ishda sudlanuvchilar 9 kishi bo‘lib, ulardan 5 nafariga qamoq, 4 nafariga garov ehtiyot choralari qo‘llangan.
JIB Yashnobod tuman sudidagi dastlabki sud majlisi 24 iyul kuni soat 10:00 ga belgilangan. Sudya – Ubaydullayev Jasurbek Abdurashidovich.
Sudlanuvchilar ro‘yxati quyidagicha (Kun.uz ularning hozirgi yoki sobiq ish joyini ochiq manbalar asosida aniqladi; mazkur shaxslarga qo‘yilayotgan ayblovlar ularning ko‘rsatib o‘tilgan ish joylariga aloqador bo‘lmasligi mumkin):
“O‘zbekneftgaz” AJ raisi lavozimida ishlagan Sidiqov Bahodirjon Bahromovich hamda “O‘zbekneftgaz” AJ raisi o‘rinbosari lavozimida ishlagan Anorqulov Baxtiyor Rahmanqulovich Jinoyat kodeksining –
- 167-moddasi (O‘zlashtirish yoki rastrata yo‘li bilan talon-toroj qilish) 3-qismi “a,v” bandlari;
- 205-moddasi (Hokimiyat yoki mansab vakolatini suiiste’mol qilish) 2-qismi “a,b” bandlari;
- 209-moddasi (Mansab soxtakorligi) 2-qismi “a,b” bandlarida nazar tutilgan jinoyatlarda ayblanmoqda.
“O‘zbekneftgaz” AJ Xaridlar departamenti boshlig‘i lavozimida ishlagan Burxonov Dilmurod Nurxonovich hamda “O‘zbekneftgaz” AJ tasarrufidagi “Maxsusenergogaz” AJ raisi lavozimida ishlagan Xaqberdiyev Dilshod Murodovich Jinoyat kodeksining –
- 167-moddasi (O‘zlashtirish yoki rastrata yo‘li bilan talon-toroj qilish) 3-qismi “a,v” bandlari;
- 209-moddasi (Mansab soxtakorligi) 2-qismi “a,b” bandlarida nazar tutilgan jinoyatlarda ayblanmoqda.
