Xalqaro toifadagi aqliy arifmetika maktabi yangi filiallarini ochdi.
Bahor – ilhomlanish, yangilanish va kashfiyotlar vaqti. Yetakchi maktablardan biri bo‘lgan ALOHA Mental Arithmetic Uzbekistan Toshkent va Farg‘onada biryo‘la ikki yangi filialini ochib, o‘z chegaralarini kengaytirmoqda. Endilikda yanada ko‘p bolalar xalqaro dastur bo‘yicha aqliy arifmetika bilan shug‘ullanish imkoniga ega bo‘ladi.
Toshkentdagi yangi filial shahar markazida (Markaz-5) joylashgan, Farg‘onadagi ALOHA Mental Arithmetic filiali esa «HappyKids» shinam bolalar bog‘chasi hududida ochilgan.
Kompaniyaning bosh vakillari lokatsiyalarni doimo bolalar va ularning ota-onalariga g‘amxo‘rlik bilan tanlashadi - bunda nafaqat ichki muhitning qulayligi, balki tashqi muhit va avtoturargohlar ham inobatga olinadi. Yangi markazlardagi xonalar ekologik tabiiy ranglarda bezalgan va o‘quvchilarning yoshini inobatga olgan holda, sifatli mebellar bilan jihozlangan. Tabiiy yorug‘lik va o‘quv xonalarining ventilyatsiyasiga ham katta e'tibor qaratilgan. Ota-onalar uchun shinam va keng dam olish xonasi mavjud - bu yerda farzandini kutayotgan ota yoki ona qahva ichishi yoki noutbukda ishlab o‘tirishi mumkin.
Filiallarimiz o‘z faoliyatini boshladi va xodimlarimiz aqliy arifmetika sohasidagi bilimlarga ega bo‘lishni istovchi bolajonlarni qabul qilishga tayyor.
Mashg‘ulotlar ikki asosiy yo‘nalish bo‘yicha olib boriladi: 5-7 yoshdagi bolalar uchun - Tiny Tots, 8-13 yoshli bolalar uchun - Kids. Har bir dastur bir necha bosqichlarga ajratilgan, har yangi bosqichda yanada murakkab hisob-kitoblarga o‘tiladi. Tiny Tots'ning 10 bosqichi va Kids'ning 8 bosqichi ALOHA Mental Arithmetic markazida tahsil oluvchi har bir bolaning individual xususiyatlarini inobatga olib, unga o‘ziga qulay sur'atlarda eng yaxshi natijalarga erishishda yordam beradi.
Tajribali va malakali personal individual farqlarni inobatga olgan holda o‘yin shaklidagi o‘quv mashg‘ulotlarini o‘tkazib, nafaqat bilim olish uchun qulay muhit yaratadi, balki jamoaviylik ruhi hamda guruhdagi tengdoshlar orasidagi muloqotning rivojlanishini ham rag‘batlantiradi. Bunda har bir o‘quvchiga alohida e'tibor qaratiladi.
