Xames «MYu»ning yozdagi asosiy maqsadi emasligi ma'lum bo‘ldi

Foto: AFP

«Real» futbolchisi Xames Rodriges «Manchester Yunayted» yozgi transferlar vaqtida ko‘zlagan asosiy futbolchi emas.

ESPN nashri o‘z manbasiga asoslanib xabar berishicha, klub rahbariyatidagilar Xamesni sotib olish taklifini bildirgan, ammo «MYu» bosh murabbiyi Joze Mourino «Atletiko»dan Antuan Grizmanni olishni muhimroq, deb bilmoqda.

«Manchester Yunayted» transferlarga Yevropa Ligasi finali natijasiga ko‘ra kirishmoqchi. Agar jamoa finalda g‘olib bo‘lib, Chempionlar ligasiga yo‘llanma olsa, Grizmanni qo‘lga kiritish imkoniyatlari oshadi.

Qayd etilishicha, inglizlar klubi Grizmann bilan kelishib bo‘lmasagina Xamesga yuzlanadi. Kolumbiyalik bu futbolchi Joze Mourinoning qisqa ro‘yxatida yo‘q ekani aytilgan.

Bundan avvalroq, 25 yoshli xavbek «MYu» bilan dastlabki kelishuvga erishilgani, yaqin kunlar ichida bu haqda rasman e'lon qilinishi aytilgandi. «Real» Xames uchun 75 million yevro olishni istamoqda.