Tramp o‘zining ilk xorijiy safarini boshlamoqda. Eng avval Saudiya va Isroilga

AQShning 45-prezidenti Donald Tramp ertaga, 19 may kuni o‘zining ilk xorijiy safarini boshlaydi. Bu haqda The New York Times yozmoqda.

Manbada yozilishicha, prezident eng avval Saudiya Arabistoni va Isroilga boradi. Keyinchalik Belgiya, Italiya va Vatikanga tashrif rejalashtirilgan.

Turne 9 kun davom etishi aytilgan. Manbada yozilishicha, Trampning birinchi xorijiy safari u uchun juda muhim. Shuningdek mamlakat uchun ham.

«Amerikaning birinchi raqamli shaxsi sifatida Tramp o‘zini ilk marta dunyoga namoyon qiladi»,- deb yozadi gazeta.