Video: Kanadada dengiz sheri qizchani suvga tortib ketdi

Kanadaning Richmond shahrida dengiz sheri qizchani suvga tortib ketdi.

Bu holat tasvirlangan videoyozuvda oq kiyimdagi qizcha prichal yoqasida o‘tirganida suvdan turib sakragan jonivor uni o‘zi bilan suvga tortib ketganini ko‘rish mumkin. Qizchani uning yaqinlaridan biri qutqaradi, qizchaning ortidan suvga sho‘ng‘igan erkak uni darhol qirg‘oqqa olib chiqadi.

Britaniya Kolumbiyasi Universiteti qoshidagi dengiz jonivorlarini tadqiq qilish markazi direktori Endryu Traytsning qayd etishicha, qizchaga erkak dengiz sheri hamla qilgan.

«Men bu videoni ko‘rdim. Odamlar yovvoyi jonivorlar bilan bunchalar ahmoqona munosabatda bo‘lmasligi kerak. Ular jonivorning asabiga tegishgan», — deya ekspertning so‘zlarini keltirgan CBC.