21 may kuni Italiya chempionatida 37-tur o‘yinlari davom etdi.
«Milan» o‘z maydonida «Bolonya» klubini qabul qilib, 3:0 hisobida g‘alaba qozondi. «San-Siro — Djuzeppe Meatstsa» stadionida kechgan uchrashuvda urilgan gollarga Xerard Deulofeu, Keysuke Xonda va Janluka Lapadula mualliflik qilishdi.
Bu g‘alaba milanliklarning 5 uchrashuvdan iborat g‘alabasiz seriyasiga yakun yasadi va ochkolari sonini 63taga yetkazdi. Yettinchi o‘rindagi «Fiorentina» 4 ochkoga ortda qoldirildi, «Bolonya» 41 ochko bilan 15-o‘rinda.
Natijada jamoa so‘nggi tur o‘yinlaridan qat'i nazar, 6-o‘rinni naqd qildi va Yevropa Ligasi saralashiga yo‘llanma oldi.
«Milan» 2013/14 yilgi mavsumda yevrokubokda ishtirok etgandi.
A seriya 37-tur
Milan – Bolonya 3:0 (0:0)
Gollar: 1:0 – 69 Deulofeu, 2:0 – 73 Xonda, 3:0 – 90 Lapadula.
Milan – Donnarumma, Gomes, Romanoli, Paletta, Vandjoni, Montolivo, Bertolachchi (Fernandes, 46), Pashalich, Deulofeu (Kutrone, 85), Bakka (Xonda, 58), Lapadula.
Bolonya – Mirante, Xelander, Mbayye (Kraft, 64), Torosidis, Gastaldello, Taider, Donsa, Kreychi (Ritstso, 56), Verdi, Destro, Di Franchesko (Okvonkvo, 15).
Ogohlantirishlar: Xelander (6), Deulofeu (70), Gastaldello (72), Kutrone (90).
Jyenoa – Torino 2:1 (1:0)
Gollar: 1:0 – 32 Rigoni, 2:0 – 54 Simeone, 2:1 – 89 Lyayich.
Jyenoa – Lamanna, Biraski (Ntcham, 77), Burdisso, Xentiletti, Kofi, Lazovich, Velozu, Laksalt, Rigoni (Munos, 63), Palladino, Simeone (Pandev, 60).
Torino – Xart, Rossettini, Avelar, de Silvestri, Moretti, Akkua (Lopes, 61), Bazelli (Lukich, 18), Iturbe (Yago Falke, 68), Lyayich, Boyye, Belotti.
