JCh-2018 saralashi doirasida Yevropada 6-tur uchrashuvlari davom ettirildi. D guruhida o‘tkazilgan barcha uch uchrashuvda durang natijalar qayd etildi.
Serbiya o‘z maydonida Uelsni qabul qilib, mag‘lubiyatga uchrata olmadi. Belgradning «Rayko Mitich» stadionida kechgan uchrashuv 1:1 hisobida yakunlandi.
Birinchi bo‘lim vaqtida Uels yarim himoyachisi Aaron Remsi 11 metrlik nuqtadan hisobni ochgandi, 73-daqiqada serblar hujumchisi Aleksandr Mitrovich javob golini yo‘lladi.
Irlandiyaga safar qilgan Avstriya esa o‘yin oxirida g‘alabani qo‘ldan chiqardi. Dublindagi «Aviva» stadioni mezbonlik qilgan uchrashuvda ham 1:1 hisobi qayd etildi.
31-daqiqada mehmonlar Martin Xinterreggerning goli evaziga oldinga chiqqandi, ammo o‘yin yakuniga 5 daqiqa qolganida Jonatan Uolters durangni ta'minlovchi gol muallifiga aylandi.
Guruhning yana bir uchorashuvida Moldova Gruziya bilan o‘ynadi. Mezbonlar birinchi bo‘limda ikki gol urishdi, ikkinchi bo‘limda esa ikki gol o‘tkazishdi - 2:2.
Keyingi tur 2 sentabr kuni o‘tkaziladi, Serbiya o‘z maydlnida Moldovani qabul qiladi, shu kuni Uels Kardiffda Avstriya bilan o‘ynaydi, irlandlar Gruziyaga safar qiladi.
6 turdan keyin D guruhida quyidagicha vaziyat yuzaga kelgan: 1. Serbiya – 12 ochko; 2. Irlandiya – 12; 3. Uels – 8; 4. Avstriya – 8; 5. Gruziya – 3; 6. Moldova – 2.
JCh-2018 saralashi, Yevropa
6-tur
Serbiya – Uels 1:1 (0:1, 1:0)
Gollar: 0:1 – 35, penalti Remzi, 1:1 – 73 Mitrovich.
Serbiya – Stoykovich, Nastasich, Ivanovich, Rukavina, Vukovich, Kostich (Priyovich, 67), Matich, Tadich, Milivoyevich (Gudel, 63), Kolarov, Mitrovich.
Uels – Xennessi, Devis, Uilyams, Chester, Richards, Allen, Edvards (Hyuz, 73), Remzi, Ledli, Ganter, Vouks (Lourens, 86).
Ogohlantirishlar: Stoykovich (33), Milivoyevich (34), Allen (56), Richards (71), Matich (90).
Moldova – Gruziya 2:2
