Xavi futbolchilik faoliyatini yakunlamoqda

Qatarning «As-Sadd» klubi yarimhimoyachisi Xavi Ernandes butsalarini mixga ilishga tayyorlanmoqda.

AS nashri xabariga ko‘ra, 37 yoshli futbolchining shartnomasi 2018 yil yozida nihoyasiga yetadi va u futbolchilik faoliyatini yakunlaydi.

«Bu mening futbolchi sifatidagi so‘nggi mavsumimdir. Keyin faoliyatimni yakunlayman, biroq futbolda qolaman. Murabbiylik qilmoqchiman, ammo yashirmayman, bu boradagi bilimlarimni oshirishim shart. To‘g‘ri, uslubiyotdan xabarim bor, lekin uni amalda qo‘llashni o‘rganishim kerak», degan Xavi.

Xavi faoliyatini «Barselona»da boshlab, bu jamoada 1995-2015 yillarda to‘p surgan, u ikki yil muqaddam Qatarga ko‘chib o‘tdi va shundan buyon «As-Sadd»da o‘ynab kelmoqda.