Коалиция самолётлари Суриядаги шифохонага зарба берди, қурбонлар бор
15:40 / 30.07.2017
9052

АҚШ бошчилигидаги халқаро коалиция самолётлари Суриянинг Дайр-аз-Зор вилояти ҳудудидаги Абукамол аҳоли пунктига зарба берди. САНА агентлиги хабарига кўра, бу ҳужум оқибатида камида 6 киши ҳалок бўлган ва 10 киши жароҳатланган.

Агентлик маълумотига кўра, Абукамолдаги шифохона ва спорт клуби ҳужумга йўлиққан.

Қайд этиш керакки, бу июль ойи давомида Дайр-аз-Зорда тинч аҳоли вакиллари халқаро авиация ҳужумига йўлиқиши билан боғлиқ тўртинчи ҳолат бўлди.

Шанба куни Сурия шимолидаги Ал-Маядин шаҳридаги тураржойларга ҳужум қилиниши туфайли ўн киши ҳалок бўлганди.

Июнь ойи охирида эса коалиция самолётлари Ал-Маядин шаҳрида ва Ат-Деблян қишлоғида авиазарбалар берилиши оқибатида 90 киши ҳалок бўлган, улар орасида аёллар ва болалар ҳам бўлганди.


Улашинг
Top