Somalida Turkiya harbiy lageri ochilmoqda

Somali Mudofaa vaziri kelasi oyda mamlakat poytaxti Mogadisho shahrida Turkiyaning harbiy tayyorgarlik lageri ochilishini e'lon qildi. Abdurashid Abdullohiy Muhammadning aytishicha, ikki yil mobaynida qurilishi davom etayotgan lager joriy yilning sentabr oyida rasman ochib beriladi.

"Biz askarlarimizning yuqori malakaga ega bo‘lishi va armiya kuchlarini sinovdan o‘tkazish uchun lagerda tayyorgarlikdan o‘tishidan xursandmiz”, - deydi u.

Shuningdek, Mogadishoda uchta turk harbiy komplekslari, jumladan, harbiy maktab ham bo‘lishi rejalashtirilgan. Mazkur loyiha ishga tushgach, 200 nafar turk harbiy mutaxassisi Somaliga tashrif buyurishi kutilmoqda.