«Paxtakor» yangi futbolchisini tanishtiradi

Toshkentning «Paxtakor» klubi avstraliyalik futbolchini o‘z safiga qo‘shib olganini tasdiqladi. Bu haqda klub rasmiy sayti xabar tarqatdi.

Manbaga ko‘ra, klub 10 avgust kuni barcha OAVlariga matbuot-anjumani tashkil etmoqchi.

Matbuot anjumanida jamoaga taklif etilgan yangi futbolchi — avstraliyalik Rostin Griffits bilan shartnoma imzolanadi hamda matbuot anjumani o‘tkaziladi. Tadbirda «Paxtakor» futbol klubi rahbariyati ham ishtirok etadi.

Bundan oldinroq ushbu ingliz futbolchisi faoliyatini O‘zbekiston chempionati jamoalaridan birida davom ettirishi mumkinligi, unga 600 ming dollar miqdoridagi yillik maosh taklif qilingani haqida xabar berilgandi.

Ma'lumot o‘rnida, ushbu yarimhimoyachi faoliyatini «Blekbern Rovers» jamoasida boshlagan. So‘ngra, Shotlandiyaning «Gretna», Angliyaning yana bir jamoasi  «Akkrington Stenli»,  Niderlandiyaning «Roda»,  Avstraliyaning «Adelaida Yunayted», «Sentral Kost Mariners», «Nort Kvinslend Furi» va «Pert Glori» jamoalarida to‘p surgan.