Messi yangi mavsumni rekord bilan boshladi

«Barselona» hujumchisi Lionel Messi jahon futbolida Madridning «Real» jamoasi bilan kechgan bahslardagi eng yaxshi to‘purarga aylandi.

Messi Ispaniya Cuperkubogi uchun o‘tkazilgan bellashuvning ilk uchrashuvida «qaymoqranglilar» darvozasiga o‘zining 24-golini urdi hamda ushbu ko‘rsatkich bo‘yicha «Atletik»ning afsonaviy forvardi Telma Sarrani ortda qoldirdi. Uchrashuv esa «Real»ning 3:1 hisobidagi g‘alabasi bilan yakunlandi.

Messi o‘z faoliyati davomida «Real»ga qarshi barcha musobaqalarda 35 o‘yin o‘tkazgan. U madridliklar darvozasini Ispaniya chempionati o‘yinlarida 16 marta aniq nishonga olgan bo‘lsa, Ispaniya superkubogida – 6 va YeChLda – 2 bora gol urgan.