Turkiya hukumati 63 kishini hibsga olishga ko‘rsatma berdi. Ular orasida Milliy razvedka tashkilotining 45 nafar sobiq xizmatchisi ham bor. Bu haqda Anadolu agentligi xabar qilmoqda.
Xabarlarga ko‘ra, ular FeTO ("Fatxullohchilar terrorchilik tashkiloti)ga a'zolikda gumon qilinmoqda. Ushbu tashkilot 2016 yil 15 iyuldagi harbiy davlat to‘ntarishiga urinish ortida turgani aytiladi. Ularni ushlash amaliyotlari mamlakatning 21 viloyatida o‘tkazilmoqda.
