Dunyodagi ikkinchi eng yirik olmos 53 mln. dollarga sotildi

Kanadaning Lucara Diamond Corp. kompaniyasi dunyodagi ikkinchi eng yirik olmos – Lesedi 53 mln. dollarga sotilgani haqida ma'lum qildi.

Bu haqda Bloomberg xabar bermoqda.

Botsvanadagi kondan topilgan va «Bizning nur» nomini olgan olmos 1 ming qirotdan ko‘proq og‘irlikka ega.

Qimmatbaho toshni Graff Diamonds zargarlik kompaniyasi asoschisi – Lorens Graff xarid qilgan.

Shuningdek, nashrning ta'kidlashicha, sotib yuborilgan olmos Janubiy Afrikada 1905 yilda topilgan Cullinan olmosidan keyingi eng yirik qimmatbaho toshdir. Cullinan’ning og‘irligi 3 ming qirotdan ko‘proqni tashkil etgan.

Avgust oyi oxirlarida eng qimmatbaho 10 olmos haqida ma'lumot berilgandi.