Toshkentda Markaz-5, “Jasorat” haykalidan Mustaqillik maydoniga eltuvchi Sharof Rashidov shohko‘chasining bir qismi transport harakati uchun yana ochildi.
Bu yer 2000-yillarning o‘rtalarida yopib qo‘yilgandi. Avvalgi yo‘l joylashgan yerda esa o‘ziga xos yashil hudud barpo etilgan.
Quruvchilar bir necha kun ichida yashil hududni butkul tozalab tashlashdi va asfalt yotqizishdi. 9 oktabrdan boshlab Sharof Rashidov shohko‘chasining bu qismida transport harakati tiklandi.
Ushbu yo‘lning ochilishi Amir Temir shohko‘chasidagi tirbandlikning oldini olishda qo‘l kelishi lozim. U Yunusobod tumanini Toshkent markazi bilan bog‘laydi.
