O‘zbekiston Uralga mevalar yetkazib berishni uchdan bir qismga oshirdi

O‘zbekiston 2017 yilda Rossiyaning Sverdlovsk viloyatiga meva yetkazib berishni 2016 yilga nisbatan uchdan bir qismga oshirdi. 

Bu haqda «Rosselxoznadzor»ning hududiy boshqarmasi boshlig‘i o‘rinbosari Svetlana Terexova Ural mintaqaviy markazida bo‘lib o‘tgan matbuot anjumanida ma'lum qildi.

TASS’ning Terexovaga tayangan holda xabar berishicha, joriy yilda O‘zbekistondan meva yetkazib berish 30 foizga oshgan. Ular danakli mevalar, uzum, olmalar, yong‘oqlar va quritilgan mevalardir.