Istanbul sudi sud jarayoni tugaguncha tashqariga chiqmaslik sharti bilan Amnesty International huquqni himoya qilish tashkilotining 8 nafar faolini ozod etishga qaror qildi. Bu haqda Sabah nashri xabar bermoqda.
Huquq himoyachilari terrorchilik tashkilotiga a'zolikda ayblanmoqdalar. Hammasi bo‘lib 11 nafar faolga ayblov bildirilgan, ulardan 8 nafari hibsda ushlab turilgan. Turkiya prokuraturasi ularga 5 yildan 15 yilgacha qamoq jazosi berilishini talab qilmoqda.
Faollar, ular orasida Amnesty International’ning Turkiyadagi direktori Idil Eser ham bor, 6 iyulda Istanbul yaqinidagi Byuyukada orolidagi mehmonxonada huquqni himoya qilish anjumani vaqtida ushlanganlar. Amnesty International ularni ozod qilishni talab qilgan, biroq Turkiya prezidenti Rajab Toyyib Erdo‘g‘an huquqni himoya qilish tashkilotini Turkiyada davlat to‘ntaruvini amalga oshirishga tayyorgarlik ko‘rishda ayblagan. Shundan keyin Eser va uning 7 hamkasbi, jumladan Germaniya fuqarosi Peter Shtoydtner hibsga olingan.
