Tramp Yaponiyada adolatsizlik haqida gapirdi 

AQSh prezidenti Donald Tramp Qo‘shma Shtatlar va Yaponiya o‘rtasidagi savdoni «adolatsiz» hamda «ochiq emas» deb atadi. U bu haqda Tokioga qilgan safari chog‘ida ma'lum qildi, deya xabar bermoqda Bloomberg.

«Yaponiya so‘nggi o‘n yilliklar davomida AQSh bilan savdo qilishdan yutdi. Sizlar buni bilasizlar. Hozir Yaponiya bilan bizning savdolarimiz adolatli va ochiq emas», - deya aytib o‘tdi u.

Shuningdek Trampning ta'kidlashicha, Yaponiyada AQShning juda kam mashinalari sotilmoqda. U yaponiyalik avtomobil ishlab chiqaruvchilarini Qo‘shma Shtatlar hududida zavodlar qurishga chaqirdi.

«Mashinalaringizni bizga eksport qilmasdan, AQShda yig‘ishga urinib ko‘rganingiz ma'qul», - deya qo‘shimcha qilib o‘tdi Qo‘shma Shtatlar prezidenti.