Saakashvili UXX binosiga kirishdan bosh tortdi

Ukrainaning Odessa oblasti sobiq gubernatori, «Yangi kuchlari ruxi» harakati yetakchisi Mixail Saakashvili Ukraina xavfsizlik xizmati binosiga kirishdan bosh tortdi. Bu yerda uni so‘roq qilish rejalashtirilgandi, deb xabar bermoqda «112 Ukraina» telekanali.

Bu haqda uning himoyachisi Ruslan Chernolutskiy ma'lum qildi.

Siyosatchining himoyasi bunday qarorga chaqiruv qog‘ozida so‘roq o‘tkazish hamda tovush namunalarini olish bo‘yicha ekspertizalar o‘tkazish ko‘rsatilgani sabab bo‘lganini iddao etdi. Bu esa, advokatlarning so‘zlariga ko‘ra, qonunning buzilishi hisoblanadi.

Eslatib o‘tamiz, avvalroq Odessa oblasti sobiq gubernatori, Gruziya sobiq prezidenti Mixail Saakashvili qamoqdan ozod etilganidan so‘ng, Ukraina yetakchisi Pyotr Poroshenkoga maktub yuborganini tasdiqlagani xabar berilgandi.