Menni Pakyao o‘zbekistonlik bokschiga qarshi jang qilishi mumkin

Boks bo‘yicha filippinlik sobiq jahon chempioni Menni Pakyao o‘zining navbatdagi jangini aprel oyida o‘zbekistonlik Qudratillo Abduqahhorovga qarshi o‘tkazishi mumkin. Bu haqda Abduqahhorovning o‘zi Olamsport internet-nashriga ma'lum qilgan.

«Pakyao aprel oyida Top-15likka kiruvchi bokschilardan biriga qarshi reyting jangini o‘tkazishi kerak. O‘sha to‘qnashuv Malayziyada bo‘lishi kutilmoqda. Mening menejyerlarim ham malayziyalik. Shu sababdan ham, u bilan kelishuvga erishishimiz ehtimoli yuqori», - degan Abduqahharov.

Eslatib o‘tamiz, WBC tomonidan fevral oyi uchun e'lon qilingan reytingda Pakyao uchinchi, Qudratillo esa 5-pog‘onadan joy olgandi.