Foto: Layer, W./TASS
Janubiy Afrika Respublikasidagi Mpoza qishlog‘ining 60 nafar vakili, jumladan 16 nafar bola va 4 nafar qariya ilon zahri bilan zaharlangan sigirning go‘shtini yeb shifoxonaga tushib qoldilar. Jabrlanganlarda qattiq bosh og‘rishi va ko‘ngil aynish kuzatilgan. Shifokorlar ularga kuchli zaharlanish tashxisini qo‘yganlar, deb xabar bermoqda Daily Star nashri.
Qishloq aholisi kobra chaqib olgan sigirni ko‘chada topib olib, uni ovqatga ishlatishga qaror qilgan. Mahalliy hokimiyat qishloq ahlini ko‘chadan topib olingan go‘shtni ovqatga ishlatmaslikka chaqirdi.
Ayni vaqtda jabrlanganlar qanday ahvoldaligi noma'lum, biroq xabar qilinishicha, ulardan ba'zilari mahalliy kasalxonadan yaqin oradagi shahar shifoxonasiga ko‘chirilganlar.
