Foto: Reuters
Turkiya prezidenti Rajab Toyyib Erdo‘g‘anning ma'lum qilishicha, turk qo‘shinlari yaqin vaqt ichida Suriyaning Afrin shahrini o‘rab olish niyatida. Bu haqda RIA «Novosti» xabar berdi.
«Yaqin kunlarda biz Afrin markaziga qarab harakatlanishimizni tezlashtiramiz, bundan maqsad – uni o‘rab olish. Shu tariqa tashqaridan qo‘llab-quvvatlov to‘xtatiladi. O‘shanda hech kim savdolashish haqida gap ham ochmaydi. Biz Turkiyaning janubiy chegaralarida terrorchilik yo‘lagini yaratmoqchi bo‘lganlarga buni qilish oson bo‘lmasligini ko‘rsatib qo‘yamiz», - deya aytib o‘tdi Erdo‘g‘an.
Eslatib o‘tamiz, avvalroq Turkiya Suriya qo‘shinlari Afringa yuborilganini rad etgandi.
