AQSh Milliy razvedkasi rahbari Rossiya bilan raqobat haqida gapirib berdi

AQSh Milliy razvedkasi direktori Den Koutsning ma'lum qilishicha, Amerika tomoni ruslar bilan terrorizmga qarshi kurash sohasida hamkorlik qilmoqda, biroq mamlakatlar o‘rtasidagi raqobatni yoddan chiqarayotgani yo‘q. Bu haqda «Interfaks» xabar berdi.

«Xotirjam bo‘ling, AQSh razvedka hamjamiyatlari ruslar razvedkasi bilan terrorizmga qarshi kurash sohasida aloqada bo‘lib turibdi. Bu butun Yer sayyorasi bo‘ylab bizning fuqarolar xavfsizligini kafolatlash uchun kerak. Men ham, butun razvedka hamjamiyati ham shu holatni to‘la tan olamizki, Rossiya ko‘plab sohalarda raqib bo‘lib qoladi», - deya aytib o‘tdi Kouts.

Uning so‘zlariga ko‘ra, demokratik institutlarga ta'sir o‘tkazadigan, qarama-qarshilikni vujudga keltiradigan va ishonchni yo‘qotishga turtki beruvchi kampaniyalar katta o‘rin tutmoqda. Koutsning ta'kidlashicha, Rossiya tomoni AQShning 2016 yilga saylovlarga ruslar aralashuvi bo‘yicha pozitsiyasidan to‘la xabardor.