Saakashvili tez orada Ukrainaga qaytishga va'da berdi

Ukrainadan chiqarib yuborilgan siyosatchi Mixail Saakashvili tez orada yana u yerga qaytishga va'da berdi. U bu haqda feysbukda yozdi. 

21 fevralda Ukraina davlat chegara xizmati Saakashviliga Ukrainaga 2021 yil fevraligacha kirishni taqiqlab qo‘ydi.

“Men yoki mensiz bu hokimiyatning yakuni keldi, men esa tez orada – uch yildan ancha, ancha oldinroq uyimga – Ukrainaga qaytaman”, deb yozgan Saakashvili.  

Uning aytishicha, u “o‘zgarishlar yo‘qligidan, hukumatning yoppasiga yolg‘onchiligi va o‘g‘riligidan norozi bo‘lgan millionlab ukrainaliklardan bor-yo‘g‘i biridir”. 

Ayni vaqtda Saakashvili Niderlandiyadan qo‘nim topgan.