Farg‘onada Qirg‘iziston bilan chegara bo‘yicha navbatdagi uchrashuv o‘tkazildi

2018 yilning 18-22 fevral kunlari Farg‘ona shahrida O‘zbekiston-Qirg‘iziston Davlat chegarasini delimitatsiya va demarkatsiya qilish masalalari bo‘yicha O‘zbekiston Respublikasi va Qirg‘iziston Respublikasi Hukumatlari delegatsiyalari ishchi guruhlarining navbatdagi uchrashuvi bo‘lib o‘tdi. Bu haqda TIV axborot xizmati xabar berdi.

Muzokaralar davomida O‘zbekiston-Qirg‘iziston Davlat chegarasining qolgan uchastkalari o‘tish chizig‘i loyihasi yuzasidan takliflar muhokama qilindi.

Qayd etilishicha, uchrashuv do‘stlik va yaqin qo‘shnichilik ruhida o‘tgan.