«Leyptsig» autsayderga yutqazdi, «Shalke» ikkinchi o‘ringa ko‘tarildi. Bundesliga turnir jadvalidagi holat

«RB Leyptsig» Germaniya Bundesligasining 24-turida «Kyoln»ga yutqazdi — 1:2.

Maydon egalari 5-daqiqadayoq hisobni ochgan, Jan-Kevin Ogusten gol muallifi bo‘lgandi. 70-daqiqada hisob tenglashdi — Vensan Kozello aniq harakat qildi. Leonardo Bittenkort esa 77-daqiqada ikkinchi golni urib, «Kyoln»ning g‘alabasini ta'minladi.

Bu mag‘lubiyatdan keyin turnir jadvalida «RB Leyptsig» 38 ochkosi bilan oltinchi o‘ringa tushib ketdi, «Kyoln» 17 ochko bilan oxirgi o‘rinda qolmoqda.

Bu turda «Bayyer» «Shalke-04»ga yutqazdi. Leverkuzendagi «Bay-Arena» stadionida kechgan o‘yin mehmonlarning 2:0 hisobidagi g‘alabasi bilan yakunlandi.

Gvido Burgshtaller 11-daqiqada hisobni ochdi, Nabil Bentaleb o‘yin oxirida ikkinchi golni urdi.

38-daqiqada mezbonlar futbolchisi Dominik Kor ikkinchi sariq kartochkani olib, maydonni tark etishga majbur bo‘ldi.

«Shalke-04» endilikda ochkolari sonini 41taga yetkazib, Bundesliga turnir jadvalida ikkinchi o‘ringa ko‘tarilgan. «Bayyer» 38 ochko to‘plagan holda kuchli beshlikni yakunlab turibdi.

Germaniya chempionati
24-tur
RB Leyptsig – Kyoln 1:2 (1:0, 0:2)
Gollar: 1:0 – 5 Ogyusten, 1:1 – 70 Kozello, 1:2 – 77 Bitenkur.
RB Leyptsig – Gulachi, Klostermann, Orban, Upamekano, Bernardo, Zabittser, Kampl, Forsberg (Demme, 71), Lukman (Poulsen, 59), Ogyusten (Verner, 69), Bruma.
Kyoln – Xorn, Sorensen, Xorxe Mere, Xaynts, Risse, Kozello (Lemann, 88), Xeger, Xektor, Xorn (Bitenkur, 61), Osako (Ozdjan, 82), Terodde.
Ogohlantirishlar: Xeger (13), Kampl (87).

Bayyer – Shalke-04 0:2 (0:1, 0:1)
Gollar: 0:1 – 11 Burgshtaller, 0:2 – 89, penalti Bentaleb.
Bayyer – Leno, Yedvay (Kissling, 71), Retsos, Bender, Vendell, Kor, Arangis, Brandt (Belarabi, 71), Xavertts, Beyli, Folland (Alario, 62).
Shalke-04 – Fermann, Kerer, Naldo, Nastasich, Kalidjuri, Gorettska (Bentaleb, 66), Mayyer (Stambuli, 49), Ochipka, Di Santo, Embolo, Burgshtaller (Xarit, 49).
Ogohlantirishlar: Kor (32), Burgshtaller (42), Mayyer (45), Embolo (56), Xarit (71), Retsos (87), Alario (90).
Chetlatish: Kor (38).