28 fevraldan 2 martgacha Royal, Akfa va Shivaki xalqaro Aqua Therm Tashkent 2018 ko‘rgazmasida qatnashishmoqda. Yurtimizda 7-marta uyushtirilgan Aqua Therm Tashkent O‘zbekistonda bo‘lib o‘tadigan eng yirik ko‘rgazmalardan biri hisoblanadi. Ushbu ko‘rgazmada qatnashuvchi milliy hamda chet el korxonalarining soni yildan-yilga oshib bormoqda. Oxirgi besh yil davomida Aqua Therm Tashkent da qatnashuvchi korxonalarning soni deyarli to‘rt martaga oshdi. Ko‘rgazmada Avstriya, Germaniya, Daniya, Italiya, Rossiya, Turkiya, Fransiya, Shveytsariya, Janubiy Koreya va boshqa davlatlardan tashrif buyurgan korxonalar qatnashmoqda.
Aqua Therm Tashkent ko‘rgazmasida eng zamonaviy asbob-uskunalarni ko‘zdan kechirish hamda ularni ishlab chiqaruvchi korxonalarning vakillari bilan maslahatlashish uchun keng imkoniyatlar yaratilgan.
Aytib o‘tish boiski, oxirgi yillarda Aqua Therm Tashkent da qatnashuvchi milliy korxonalarning soni keskin oshib bormoqda. Hozirda ko‘rgazma qatnashchilarining 25 foizdan ortig‘ini milliy korxonalar tashkil etadi.
O‘zbekiston Respublikasida turli xil sohalarda ishlab chiqarish jarayonlarini yangilash, samaradorligini oshirish hamda yangi texnologiyalarni tatbiq etish bo‘yicha keng ishlar olib borilmoqda. Respublikamiz milliy korxonalarni qo‘llab-quvvatlagani tufayli, sifatli, zamonaviy, har qanday raqobatga dosh bera oladigan va dunyo standartlariga butunlay mos mahsulotlar ishlab chiqarish uchun hamma imkoniyatlar mavjud. Mahsuloti dunyo talablariga va standartlariga butunlay javob bera oladigan korxonalar hisobiga Royal, Akfa va Shivaki korxonalarini ham bemalol qo‘shish mumkin. Aqua Therm Tashkent ko‘rgazmasida Royal quyosh suv isitgichlari, Akfa radiatorlari hamda Shivaki sanoat konditsionerlari taqdim etilgan.
Royal quyosh suv isitgichlari ko‘rgazma muxlislarida katta qiziqish tug‘dirishi kutilmoqda. Ushbu quyosh suv isitgichlari muqobil energiyada ishlaydi, va tabiiy energiya manbalarini tejamkorlik bilan ishlatishga ulkan hissa qo‘shadi. Royal quyosh suv isitgichlari Germaniya uskunalari yordamida eng yangi texnologiyalar asosida ishlab chiqarilgan.
