Mamlakatimizda ham xalqaro, xam va mahalliy turizm salohiyatini oshirish, ayniqsa, chet ellik sayyohlarning tobora qiziqishiga sabab bo‘layotgan Markaziy Osiyoning noyob tarixiy-ilmiy merosi obektlari, uzoq tarixdan so‘zlovchi yurtimizdagi milliy me'morchilik va madaniy rivojlanish o‘z aksini topgan zaminimizga tashrif buyurish istagini bildirganlar soni kun sayin oshmoqda.
Xususan, chet ellik sayyohlar o‘z hayotining mazmunli vaqtini boshqa el va illatlar tarixini o‘rganish, bu borada taassurotlarini oshirishga juda oshiqishadi.
Qolaversa, ular xavfsiz, emin-erkin yurish, dam olish, sayohat qilishni istashadi. Shunday ekan, ko‘hna Samarqandu Buxoro, Xorazm va Shahrisabz kabi qadimiy me'morchilik yutuqlar aks etgan ansambllarga tashrif buyurar ekan, o‘z o‘rnida sayyohlar ularga namunali xizmat ko‘rsatilishi, har bir sayyohning esa xavfsizligi ta'minlanishi ham ularning diqqat e'tiborida.
Yurtimizda sayyohlik va turizmni rivojiga berilayotgan e'tibor ham bundan dalolat beradi. Ko‘hna tarix o‘z aksni topgan Buxoro va Samarqandda ham ichki ishlar organlari tomonidan “Ezgulik patruli va Xavfsiz turizmni ta'minlash” xizmati tuzilmalari faoliyati samarali yo‘lga quyildi.
So‘nggi yillarda professional tuzilmaga aylanib, fuqarolarning ishonchi yanada oshib borayotgan ichki ishlar tizimidagi bu ishlar yurt ravnaqi, istiqboli va uning kelajagiga xizmat qilishi shubhasiz.
Bugun biz so‘z yuritayotgan Samarqand viloyati Ichki ishlar boshqarmasi qoshida tashkil etilib, Xavfsiz turizmni ta'minlayotgan boshqarma faoliyati haqidadir. Qizig‘i shundaki, mazkur tuzilma safida xushmuomalali, iltifotli, odob doirasida xizmat olib boruvchi yigit-qizlar o‘z vazifalariga erta tongdan, yo‘riqnomadan so‘ng kirishishadi. Sayyohlar tashrif buyurish manzillari va vaqti, ularga zarur bo‘lgan xizmat ko‘rsatish haqida vazifalarni olgan xodimlar o‘zgacha, diqqat-eʼtibor tortuvchi xizmat avtomobillarida tarixiy meros obektlari, Temiryo‘l vokzali va Samarqand xalqaro aeroporti tomon yo‘l olishadi.
Raqamlarga murojaat qiladigan bo‘lsak, bugun ko‘hna shaharda noyob tarixga ega yigirmaga yaqin majmualar mavjud bo‘lib, ularga tashrif buyuruvchi sayyohlarga 100ga yaqin sayyohlik firmalari va yuzdan ortiq mehmonlar ularning xizmatiga shay.
O‘z oldiga ezgu maqsadlarni quygan soha xizmati vakillari tarixiy meros obektlariga boy ko‘hna shahar ko‘chalari bo‘ylab tunu-kun jamoat tartibini saqlash, aholi osoyishtaligini ta'minlash, yuz berishi mumkin har qanday huquqbuzarlik yoki jinoyatlarga yo‘l quymaslik maqsadi xizmat olib borishmoqda.
Yana bir e'tiborli jihati Xavfsiz turizm xizmatida egizak opa-singillar Fotima va Zuhraning qabul qilingani, yer yuzining sayqali, Sharqning durdonasi sanalgan ko‘hna Samarqand bugun dunyo ahlini o‘ziga rom etib kelayotgan boqiy shaharda o‘zgacha aksini topdi.
Samarqand xalqaro aeroporti, temir yo‘l vokzali hamda boshqa tarixiy maskanlarda ham soni oshishi rejalashtirilgan soha xodimlarining xizmat olib borishi turizmni rivojlantirish — shubhasiz, mamlakatimiz iqtisodiyotini rivoji, tinchlik-osoyishtalikni mustahkamlanishiga zamin yaratib, tashrif buyurishni bildirayotgan sayyohlar oqimini yanada oshishiga olib keladi.
O‘z muxbirimiz.
