Xitoy harbiy xarajatlarini oshiradi

Xitoyning 2018 yilgi harbiy byudjyeti 8,1 foizga – 175 mlrd dollargacha oshadi. Bu haqda “Sinxua” axborot agentligi xabar bermoqda.  

Xitoyning harbiy byudjyeti hajmi bo‘yicha AQShdan keyin 2-o‘rinni egallaydi. 2017 yilda Xitoyning harbiy byudjyeti 7 foizga oshgandi, bu esa 7 yil ichidagi eng past o‘sish bo‘lgan.

2016 yilda Xitoyning mudofaa byudjyeti 7,6 foizga oshib, 146 mlrd dollarni, 2015 yilda 10,1 foizga oshib, 135 mlrd dollarni tashkil qilgan.   

Shuningdek, bu ko‘rsatkichlar 2014 yilda 12,2 foizni, 2013 yilda 10,7 foizni, 2012 yilda 11,2 foizni va 2011 yilda 12,7 foizni tashkil qilgan.