Ozarboyjonda teraktlar sodir etishni rejalashtirgan jinoiy guruh a'zolari yo‘q qilindi

Ozarboyjon shimolida o‘tkazilgan terrorchilikka qarshi maxsus amaliyot davomida respublikada teraktlar sodir etishni rejalashtirgan jangarilar yo‘q qilindi. Bu haqda RIA Novosti Ozarboyjon Davlat xavfsizlik xizmatiga asosan xabar bermoqda.

«Tezkor tadbirlar natijasida, Ozarboyjon fuqarosi Sobir Arullo o‘g‘li Mamedov boshchiligidagi «Xachmaz jamoati» terrorchilik guruhi aniqlandi va uning faoliyatiga chek qo‘yildi», - deyiladi xabarda.

Ta'kidlanishicha, guruh faollari Sobir Arullo o‘g‘li Mamedov va Tarlon Safar o‘g‘li Salimov qo‘lga olish chog‘ida Davlat xavfsizlik xizmati tezkor guruhiga quroldan foydalangan holda qarshilik ko‘rsatgan hamda yo‘q qilingan.

Shuningdek, hodisa yuz bergan joydan portlovchi qurilmalar, qurol-yarog‘, o‘q-dorilar topilgan.