Fotoreportaj: Prezident ayollarni 8 mart bilan shaxsan tabrikladi

8 mart — Xalqaro xotin-qizlar kuni munosabati bilan «O‘zekspomarkaz»da tantanali bayram tadbiri bo‘lib o‘tdi.

Tadbirda O‘zbekiston Prezidenti Shavkat Mirziyoyev ishtirok etib, mamlakat xotin-qizlarini bayram bilan tabrikladi.

{Yii::t(}

O'tkazib yuborish 6s

«Bu qutlug‘ ayyomda hurmatli ayollarimizga eng samimiy, eng ezgu tilaklarimizni izhor etar ekanmiz, birinchi navbatda muqaddas va mo‘'tabar Ona siymosiga ta'zim qilamiz. Oila va jamiyat ustuni, hayotimizning fayzi va ko‘rki bo‘lgan xotin-qizlarni e'zozlash, ularga hurmat va ehtirom ko‘rsatish xalqimiz uchun azal-azaldan buyuk qadriyat bo‘lib kelgan va shunday bo‘lib qoladi. Chunki sizlar bilan hayotimiz go‘zal va mazmunli, xonadonlarimiz obod va nurafshondir, — dedi Prezident. — Mening tilagim, mening maqsadim bitta — oilangiz, farzandlaringiz, el-yurtimiz baxtiga hamisha sog‘-omon bo‘linglar! Nega deganda, ayollarimizning baxti — xalqimiz, jamiyatimizning baxtidir».

Davlat rahbarining 2 martdagi qaroriga muvofiq bu yil yangi tartib asosida 28 nafar faol qizlar Zulfiya nomidagi davlat mukofoti bilan taqdirlandi. Tadbirda ana shu mukofot tantanali ravishda topshirildi.

Bundan tashqari, 7 mart kuni Prezident ayollar, opa-singillarga quvonch ulashgan yana bir hujjat — «8 mart — Xalqaro xotin-qizlar kuni munosabati bilan mukofotlash to‘g‘risida»gi farmonga imzo chekdi. Ishlab chiqarish tarmoqlari, tadbirkorlik, ilm-fan, ta'lim-tarbiya, sog‘liqni saqlash, madaniyat, san'at va boshqa sohalarida samarali mehnat qilib kelayotgan bir guruh ayollar faxriy unvonlar, orden va medallar bilan mukofotlandi.

Tadbirga mamlakatda faoliyat yuritayotgan diplomat ayollar, jumladan, BMTning O‘zbekistondagi vakolatxonasi rahbari, AQSh, Xitoy, Fransiya, Misr elchilarining ham taklif qilindi.