Messida «het-trik». Uning «Malaga»ga qarshi o‘ynamasligi sababi aniq bo‘ldi

«Barselona» hujumchisi Lionel Messining «Malaga»ga qarshi uchrashuvni nima sababdan o‘tkazib yuborishi aniq bo‘ldi.

Onda Cero nashri jurnalisti Alfredo Martinesning xabar berishicha, o‘tgan tunda Messining rafiqasi Antonellaning ko‘zi yorigan. Messi uchinchi marta ota bo‘lgan va uchinchi farzandi ham o‘g‘il bo‘lgan.

Eslatib o‘tamiz, oldinroq oila uchinchi o‘g‘ilga Chiro deb ism berishga qaror qilishgandi. Messining shu kungacha ikkita o‘g‘li bor edi – Tiago va Mateo.