Ispaniya: «Barselona» toʻxtash nimaligini bilmayapti
«Barselona» – «Rasing» 7:2
Gollar: Joau Kanselu, 8 (1:0). Rafinya, 25 – penalti (2:0). Guye, 30 (2:1). Vilyalibre, 36 – avtogol (3:1). Rafinya, 42 (4:1). Zabiri, 65 (4:2). Rafinya, 67 – penalti (5:2). Gabriel Jezus, 79 (6:2). Yamal, 89 (7:2)
Aniq ijro etilmagan penalti: Yamal, 45’
«Barselona»: X. Garsiya (Shchensni, 46), Kristensen, X. Martin, Joau Kanselu (Balde, 78), E. Garsiya, Rodri (Gavi, 61), Pedri (Bernal, 61), Olmo, Adeyemi, Yamal, Rafinya (Gabriel Jezus, 69)
«Rasing»: Agirresabala, Gonsales (Salinas, 86), Pedru Felipe (Visente, 59), A. Martin, Ernando, Prati, Guye, Sayns-Masa (Guliashvili, 78), Kanales, Arana (Luke, 59), Vilyalibre (Zabiri, 59)
Ogohlantirishlar: Yamal, 45. Adeyemi, 60. Joau Kanselu, 69 – Pedru Felipe, 23. Zabiri, 61
«Barselona» bu mavsumda chegara bilmayapti. Jamoa La Ligadagi barcha oʻyinlarda gʻalaba qozonmoqda va raqiblarni shunchaki tor-mor etmoqda. Bu safar kataloniyaliklar yoʻlidan chiqib qolgan debyutant «Rasing» 7 ta toʻp qabul qilib oldi. Holbuki ushbu jamoa mavsumni yaxshi boshlagan va besh turda 7 ochko jamgʻargandi.
Flik hozircha asosiy yetakchilarga dam berish haqida oʻylamayapti. Faqat himoyada Kubarsi, Kunde va Espartga dam berildi, ammo hujum chizigʻida Yamal, Rafinya, Olmo va Adeyemi kabi futbolchilar tushishda davom etdi. Rafinya 3 ta gol urdi va toʻpurarlar poygasida 9 gol bilan yaqqol yetakchiga aylandi, gol+pas tizimida 9+3 koʻrsatkichiga ega (YeChLdagi gollari bilan qoʻshib hisoblaganda jami 11 gol), Yamal dublni rasmiylashtirib, 8 gol bilan undan keyingi ikkinchi oʻringa joylashishi mumkin edi, ammo penaltidan foydalana olmadi (unda 7+5). Yozgi transferlar oxirida «Arsenal»dan sotib olingan Gabriyel Jezus ham shu kuni la ligadagi gollar hisobini ochishga erishdi.
Umuman, «Barselona» bu mavsumda Yevropaning eng koʻp gol urgan jamoasi boʻlib turibdi: 7 oʻyinda (la ligada 6, YeChLda 1) 33 gol urgan va 6 ta oʻtkazib yuborgan. Bu oʻyinlardan beshtasida kamida 5 tadan gol urgan.
Shu bilan birga, jamoa hozircha jiddiy raqib sinovidan oʻtmadi, keyingi turda «Sevilya» maydoniga safar qilinadi.
«Atletiko» – «Osasuna» 4:0
