Gretsiyada mojaro. PAOK egasi maydonga qurol bilan yugurib chiqdi

Gretsiya chempionati yetakchilarining uchrashuvi mojaro bilan yakun topdi. PAOK – AYeK o‘yini 0:0 hisobida, bahs oxirlarida to‘xtatildi.

«Ikki boshli burgutlar» so‘nggi daqiqalarda gol kiritishdi, u g‘alaba keltirishi lozim edi. Biroq hakam Georgios Kominis golni hisobga olmadi va Maurisio ofsaydda bo‘lganini bildirdi. Mezbonlar Kominisning qaroriga qo‘shilishmadi hamda bellashuvni davom ettirishdan bosh tortishdi. Maydonda har ikki klub vakillari ishtirokida tartibsizlik kelib chiqdi. Ishga PAOK egasi Ivan Savvidi ham aralashdi, u tribunalardan tushib keldi. Shu bilan birga, fotosuratchilar unda o‘q otar qurol bo‘lganini qayd etishgan.

El presidente del PAOK baja al campo con la pistola y se la enseña al árbitro, luego se lleva a los jugadores para adentro y en vez de suspender el partido definitivamente están esperando para acabar el encuentro, que iba en el 88 😱😱😱pic.twitter.com/lEt98m0aOm
— Nuevo Foro MDM (@nuevoforomdm) March 11, 2018

Savvidi go‘yoki AYeK rahbarlaridan biri Vasilis Dimitriadisga tahdid qilib, unga «endi sen - murdasan» degan. Shundan so‘ng o‘yinchilarga kiyim almashtirish xonasiga ketish haqida topshiriq bergan.

Ikki soat o‘tib, uchrashuv PAOKning 1:0 hisobidagi g‘alabasi bilan yakunlangani haqida xabar kelgan. Tribunalar ostidagi xonada ushbu epizod va o‘yinni davom ettirish bo‘yicha maslahatlashuvlar ikki soat davom etdi. Hakam golni inobatga olishga rozi bo‘ldi, AYeK esa xavfsizlik nuqtai nazaridan o‘yinni davom ettirishdan bosh tortdi.